Pétur er að koma yfir í kjöt í karrí. Ég er orðinn svangur og ætla að fara að kynda undir pottunum.

Um daginn vaknaði ég upp í stress kasti, ég var nefnilega búinn að kaupa mér bíl og var að bíða eftir honum í afgreiðslunni, þá áttaði ég mig á því að ég var í Englandi og stýrið öfugu meginn og þar að auki þyrfti ég að skrá bílinn á norsk númer og það er ekki ókeypis. Ég var búinn að velta því mikið fyrir mér hvort að ég hafi verið búinn að skrifa undir einhverja pappíra og ætti bara að láta mig hverfa en komst ekki að niðurstöðu því þá vaknaði ég og áttaði mig á það þetta var draumur.

Nú er farið að síga á seinni hlutann af vetrar ólympíuleikunum, ég sat einn inni í stofu í fyrrakvöld með álíka mikinn hjartslátt og þegar að ísland var að keppa í handboltanum um daginn, en í þetta skiptið var ég að horfa á 4X10 km skíðagöngu karla, þvílík spenna. Ég er búinn að horfa nokkuð mikið á leikana og hef látið annað sjónvarpsefni eiga sig.

Á morgun ætla ég að taka myndavélina með mér og keyra eitthvað út í buskann og taka myndir, á sunnudaginn ætlum við Jónas að fara á bretti, finna einhverja góða baran brekku og sýna listir okkar.

Það er búið að ráða nýjan mann í vinnuna, sá maður á að sjá um að skipuleggja vinnuna okkar og vera okkur til aðstoðar, ég hlakka til að fá hann inn.

Ég hef sennilega fallið um nokkur sæti á vinsældar lista tengdamóður minnar, ég gleymdi að hringja í hana á afmælinu hennar, ég kenni ólympíuleikum um. En ég ætla að hringja í kvöld og óska tengda foreldrum mínum til hamingju með dagana.